मातुलः आगमिष्यति

पुत्री — अम्ब ! अम्ब ! मातुलः नागपुरतः आगच्छति।

अम्बा — वत्से ! मातुलस्य आगमनं कः सूचितवान् ?

पुत्री — अम्ब ! तातः उक्तवान् अद्य मातुलः आगच्छति इति। मातुलः आगच्छति चेत् किं किं करोति ?

अम्बा — प्रथमं सः आगच्छतु। अनन्तरं किमपि करोमि ।

पुत्री — तातः असत्यं वदति वा ? किमर्थम् एवं वदति भवती ?

अम्बा — नैव वत्से ! तातः असत्यं न वदति। किन्तु भवत्याः मातुलः उक्ते दिने नागच्छति। अतः तथा उक्तवती।

पुत्री — अद्य मातुलः नागच्छति चेत् पुनः कदापि तेन सह सम्भाषणं न करोमि ।

अम्बा — किमर्थं पुत्री तावती निरीक्षा वा ? पश्यतु, बहिः तातेन सह कोऽपि सम्भाषणं करोति।

पुत्री — अम्ब ! मातुलः आगतवान्। मातुल! आगच्छतु मम क्रीडासाधनानि दर्शयामि। कति वर्षाणि अभवन्। किम् अस्माकं स्मरणं न अभवत्?

अम्बा — अहो! अद्य पूर्वदिशि सूर्योदयः न जातः किम्?